{gallery}13-12-2019-1{/gallery}

Педиатрия және балалар хирургиясы ғылыми орталығында 2019 жылғы 2–6 желтоқсан күндері аралығында Испаниядан келген шетел мамандарының қатысуымен «Балалардағы целиакияны диагностикалау мен емдеудің заманауи әдістері» тақырыбында шеберлік сағаты өткізілді:

1. Мария Дель Кармен Миранда Сид – медицина ғылымдарының докторы, Мадрид университетінің профессоры, Грегорио Мараньяна университеттік ауруханасының гастроэнтерология, тамақтану және педиатриялық гепатология бойынша маманы, Испан гастроэнтерологтар, гепатология қоғамының Басқарма мүшесі, REPAC тобының мүшесі (испан педиатриялық регистрі).
2. Гонзало Галициа Поблет – Алькала-де-Энарес университетінің медицина және медициналық мамандықтар кафедрасының доценті, Алькала-де-Энарес университетінің медицина және хирургия бакалавры, Алкала университетінің медицина докторы, гастроэнтерология, гепатология және балалар тағамы саласындағы маман, Испан гастроэнтерологтар мен гепатологтар қоғамының мүшесі, Испан Педиатрия және Мадрид және Кастилии-ла-Манча педиатриялық қоғамының мүшесі.

Целиакия – бұл ас қорыту жолдарының аутоиммунды, тұқым қуалайтын ауруы, ол кейбір дәнді дақылдардың (бидай, қара бидай, арпа) ақуызын көтере алмаушылығымен сипатталады. Мысалы адам нан, құймақ немесе дәнді тағамдарды жеген кезде аш ішектің шырышты қабығы зақымданады. Целиакия тек ішекке ғана емес, сондай-ақ эндокриндік, жүйке жүйесі, бауыр, дәнекер тінге және т.б. сияқты ағзаның басқа органдары мен жүйелеріне зақым келтіруі мүмкін. Қазіргі заманғы зерттеулер целиакияның таралуы 4120 жаңа туған нәрестеге 1 тасымалдаушыны құрайтынын көрсетті. Целиакияның таралуы одан да маңызды болып табылуы мүмкін, себебі ол жасырын ағымға байланысты үнемі диагностикалана бермейді немесе басқа аурулар түрінде көрінеді. Адамдардың өте үлкен пайызы целиакиядан зардап шегетінінен күдіктенбеуі мүмкін. Бұл үшін бірнеше себептер бар. Олардың бірі – қоғамның өте аз ақпараттануы және целиакия туралы білімінің болмауы. Тағы бір себеп – диагностика ерекшелігі. Целиакия көптеген басқа аурулардың маскасында керемет жасырылады. Целиакияны диагностикалау үшін арнайы ерекше зерттеулер жүргізу қажет.

Шеберлік сағатына Қазақстан Республикасының түрлі аймақтарынан 25-тен аса маман қатысты. Олардың ішінде педиатрлар, жалпы тәжірибе дәрігерлері, балалар гастроэнтерологтары, балалар аллергологтары және иммунологтар мамандар бар. Шеберлік сағаты шеңберінде шетелдік мамандар целиакияның әртүрлі түрлеріне шалдыққан балаларды қарап, өз кеңестерін берді.