2024 жылғы 17-18 қазанда ҚАЗАҚСТАН БАЛАЛАР ДӘРІГЕРЛЕРІНІҢ X СЪЕЗІ өтеді

Құрметті әріптестер!

ҚР ДСМ «Педиатрия және балалар хирургиясы ғылыми орталығы» АҚ, Қазақстанның «Педиатрлар одағы» ҚБ, «С.Ж. Асфендияров атындағы Қазақ ұлттық медицина университеті» КЕАҚ 2024 жылғы 17-18 қазанда гибридті форматта (онлайн және офлайн) халықаралық қатысумен ҚАЗАҚСТАННЫҢ БАЛАЛАР ДӘРІГЕРЛЕРІНІҢ «ПЕДИАТРИЯ ЖӘНЕ БАЛАЛАР ХИРУРГИЯСЫНЫҢ ЖЕТІСТІКТЕРІ МЕН ДАМУ БОЛАШАҒЫ» АТТЫ X СЪЕЗІН және докторанттарға, магистранттарға және резиденттерге арналған: «Жас зерттеуші: заманауи педиатрия мен балалар хирургиясының сын-тегеуріндері мен даму болашағы» атты Жас ғалымдар мектебін өткізетінін хабарлайды.

Өткізу уақыты: 2024 жылғы 17-18 қазан сағат 9.00-ден 18.00-ге дейін.

Қатысушыларды тіркеу қатысушылар үшін онлайн режимде съезд парақшасында жүргізіледі: https://union-pediatrics.kz/

Баяндамасымен қатысуға өтінімдерді қабылдау бойынша мерзім 1 тамызға дейін.

Конференция тілі – қазақ, орыс, ағылшын.

ҰЙЫМДАСТЫРУШЫЛАР:

ҚР Денсаулық сақтау министрлігі

«С.Ж. Асфендияров атындағы Қазақ ұлттық медицина университеті» КЕАҚ

ҚР ДСМ «Педиатрия және балалар хирургиясы ғылыми орталығы» АҚ

Қазақстанның «Педиатрлар одағы» ҚБ.

ҚАЗАҚСТАННЫҢ БАЛАЛАР ДӘРІГЕРЛЕРІНІҢ X СЪЕЗІ 1000-нан астам педиатриялық бейіндегі мамандар, денсаулық сақтауды ұйымдастырушылар, профессор-оқытушылар құрамы және балаларға медициналық көмек көрсететін басқа да мамандықтардың дәрігерлері арасында үздік тәжірибе алмасу және қарым-қатынас жасау үшін коммуникациялық алаң құрады. Съезге алыс және жақын шетелдердің жетекші ғалымдары мен сарапшылары, сондай-ақ отандық ғалымдар қатысады. Съезд ҚР ДСМ-нің 2024 жылға арналған ғылыми-практикалық конференциялар жоспарына кіреді.

Съезд жұмысының негізгі бағыттары:

Педиатриялық қызмет проблемаларының қазіргі жағдайы. Қазақстан Республикасында педиатриялық көмекті дамытудағы кәсіби қоғамдастықтардың рөлі;
Нәресте өлімі және оны төмендету жолдары.
Балалар жасындағы аурулардың диагностикасы. Балаларға ерте диагностика мен медициналық көмек көрсетудегі скринингтің рөлі;
Балалар жасындағы түрлі ауруларды диагностикалау мен емдеудің өзекті мәселелері. Созылмалы және басқа да әлеуметтік маңызы бар аурулары бар балаларға жеке көмек көрсету;
Балалар хирургиясын дамыту перспективалары, балалар хирургиясының түрлі бағыттарында инновациялық технологияларды енгізу;
Перинаталдық патологиялардың алдын алу, диагностикалау және емдеу бойынша жаңа тиімді технологияларды дамыту және енгізу;
Балаларға жоғары технологиялық медициналық көмек;
ҚР-да сирек кездесетін аурулары бар балаларға медициналық көмекті ұйымдастыру. Сирек кездесетін аурулары бар балаларды тексеруге және емдеуге көпсалалы тәсіл. Дифференциалды диагностика принциптері;
Балаларға алғашқы медициналық-санитарлық көмек көрсетудегі балалар дәрігерінің рөлі. ДДҰ бағдарламаларын енгізу және катамнез кабинеттерін дамыту;
Педиатриядағы вакцинопрофилактика, отбасылық вакцинопрофилактика;
Балалардағы онкологиялық және гематологиялық ауруларды диагностикалау мен емдеудің заманауи технологиялары. Әртүрлі аурулары бар балаларға оңалту көмегін дамыту перспективалары;
Педиатрияның әртүрлі салаларында ғылым мен білім беруді дамыту. Педиатриялық көмек көрсету үшін медициналық кадрларды даярлау мәселелері. Балалық шақ саласындағы медицина ғылымын дамытудың өзекті мәселелері мен перспективалары.

Съезд шеңберіндегі іс-шаралар:

Пленарлық отырыс
Мастер-класс өткізу
Секциялық симпозиумдар (сателлиттер)
Жас ғалымдар мектебі
Сертификаттар беру.

Мастер-класс Орал федералды округінің бас кардиохирургы, профессор, Тюмень қ. №2 ОБА балалар кардиохирургиясы бөлімінің меңгерушісі Кирилл Викторович Горбатиковтың қатысуымен "Балалардағы жүрек қақпақшалары патологиясындағы реконструктивтік операциялар" тақырыбы бойынша жоспарлануда.

2024 жылғы 18 қазанда докторанттарға, магистранттарға, резиденттер мен интерндерге арналған: «Жас зерттеуші: заманауи педиатрия мен балалар хирургиясының сын-тегеуріндері мен даму болашағы» атты «Жас ғалымдар мектебі» симпозиумын өткізу жоспарлануда. Осы симпозиум шеңберінде интернатурада, резидентурада, магистратурада және PhD докторантурада оқитын ғылыми жастардың Қазақстан Республикасының, ТМД және шет елдердің ҒЗИ, ҒО және ЖОО-да ауызша және постерлік баяндамаларын ұсыну жоспарлануда.

Ол үшін баяндамаға тіркелу және өтінім беру кезінде «Жас ғалымдар мектебі» хатының тақырыбында қосымша атап өту қажет. Барлық өтінімдерді ұйымдастыру комитеті қарайтын болады. Секцияда сөз сөйлеген барлық авторлар естелік сертификаттармен, ал 1-3 орын алған авторлар тиісті дипломдармен марапатталады.

Конференцияға қатысу нысандары:

Қатысу + жариялау.

Қатысу + жариялау +баяндама.

Қатысу + баяндама.

Тыңдаушы ретінде қатысу.

Ұсынылатын материалдарға қойылатын талаптар

Постерлік баяндамалар.

Постерді ресімдеу тілі – қазақ, орыс немесе ағылшын. Баяндама көлемі 1 беттен аспауы керек, кітап (тік) форматта басып шығарылуы керек, плакаттың өлшемі 1м×1,2 м. (ені*биіктігі). Келесі рәсімдеу тәртібі ұсынылады: тақырып, авторлар, ұйым, өзектілік; зерттеу материалдары мен әдістері; нәтижелер; қорытындылар.

Ауызша баяндамалар.

Ауызша баяндамалардың ұзақтығы – 10-20 мин. Баяндама Power Point форматында, ең көбі 20 бетте ресімделуі тиіс. Келесі рәсімдеу тәртібі ұсынылады: тақырып, авторлар, ұйым, өзектілік; зерттеу материалдары мен әдістері; нәтижелер; қорытындылар.

Материалдарды жариялау. Тезистер Қазақстанның балалар дәрігерлерінің X съезінің Еңбектер жинағында жарияланады. Сіздің баяндамаңыздың негізгі мазмұнын көрсететін мақалалар келесі ережелерге сәйкес рәсімделуі керек:

- Тезистің көлемі: 3 бетке дейін.

- Тезистер төменде келтірілген құрылымдық бөліктерге сәйкес ұсынылуы керек, олар қалың қаріппен ерекшеленеді, жаңа жолдан басталады және соңында нүктемен ресімделеді: